Bizikidetzaren Behatokia Lezo Institutuan, ikastetxeko bizikidetza, ongizatea eta funtzionamendua aztertzeko eta hobetzeko sortutako jarraipen eta hausnarketa egitura bat da.
Zer da zehazki?
Behatokia ez da organo administratibo hutsa; entzuteko, datuak jasotzeko eta hobekuntza proposamenak egiteko espazioa da. Helburua da erabakiak komunitatearen ahotsean oinarritzea.
Zein dira bere funtzio nagusiak?
- Bizikidetzarekin lotutako egoeren jarraipena egitea
- Ikasleen, familien eta irakasleen iritzia jasotzea (galdetegiak, bilerak, ordezkarien bidez…)
- Ongizateari eta giroari buruzko adierazleak aztertzea
- Hobekuntza proposamen zehatzak egitea
- Hartutako neurriak ebaluatzea eta berrikustea
Parte-hartzaileak
Komunitateko sektore desberdinetako ordezkariek hartzen dute parte eta, bereziki, ikasleek izango dute protagonismoa.
- Ikasleak: 16 ordezkari
- Zuzendaritza
- Orientazailea
- Hezkideta arduraduna
- Ongizate eta bizikidetza arduraduna
- Familiak: 2 ordezkari
Zertarako da garrantzitsua?
Behatokiak aukera ematen du:
- Arazoak garaiz detektatzeko
- Erabakiak parte-hartzaileak eta gardenak izateko
- Bizikidetza plana etengabe eguneratzeko eta hobetzeko
- Ikastetxean konfiantza sare sendoa eraikitzeko