Urtero bezala, aurten ere inauteriak ospatu ditugu Lezo Institutuan, Herri Eskolako lagunekin. Giro ezin hobean institututik Herri Eskolara jaitsi gara eta gero, denok batera, kalejira koloretsua eta alaia gauzatu dugu Lezoko kaleetan zehar. Ondoren, “Jolasak” irudikatu ditugu jendez gainezka zegoen udal kiroldegian, humorez beteriko emanaldia zoragarri batean.
Zorionak partaide guztiei beraien irudimenagatik eta ospakizun honetan ondo pasatzeko erakutsitako kemenagatik.
