Pasa den otsailaren 21ean, teknologia ikasgaiak antolatuta, 3. mailako ikasleak Aiako Pagoeta Parke Naturalean izan ginen Agorregiko burdinola eta errota ezagutzen. Eguraldi bikaina izan genuen eta lehen azalpenak Iturraran parketxean entzun ondoren, burdinola eta errotara jaitsi ginen haien funtzionamendua zuzenean ikusteko. Energia hidraulikoaren erabilerari buruzko garai bateko adibide garbia eta orduko mekanismoak bertatik bertara ezagutzeko aukera paregabea izan genuen benetan!
