Urtero bezala, aurten ere inauteriak ospatu ditugu Lezo Institutuan, Herri Eskolako lagunekin. Giro ezin hobean institututik Herri Eskolara jaitsi gara eta gero, denok batera, kalejira koloretsua eta alaia gauzatu dugu Lezoko kaleetan zehar. Bukatzeko, gure “ekosistemen aniztasuna” irudikatu dugu jendez gainezka zegoen udal kiroldegian, humorez beteriko emanaldia ikusgarri batekin. Zorionak partaide guztiei beraien irudimenagatik eta ospakizun honetan ondo pasatzeko erakutsitako kemenagatik.
